Внимание! Соединение с приложением прервано. Дождитесь повторного подключения.

ҚОЛЖЕТІМДІЛІК ЖӘНЕ ТӨЛЕМ ЖАСАУ ШАРТТАРЫ

Медициналық ұйымдарға арналған сатып алу веб-порталын пайдалану бойынша қызметтер

Қазақстан Республикасы Денсаулық сақтау министрлігінің 2026 жылғы 30 маусымдағы № 327 бұйрығына сәйкес дәрілік заттар мен медициналық бұйымдарды сатып алу веб-порталына қол жеткізу қызметтеріне тариф бекітілді.

Порталдың функционалына қол жеткізу әлеуетті өнім берушілерге, тапсырыс берушілерге және сатып алуды ұйымдастырушыларға Қазақстан Республикасы заңнамасының талаптарына сәйкес шарт жасалғаннан және қызмет ақысы төленгеннен кейін ақылы негізде ұсынылады. Бұл ретте ақы төлеу талабы мемлекеттік мекемелерге (ММ, РММ, КММ) қолданылмайды.

Қызмет құны Қазақстан Республикасы Денсаулық сақтау министрлігінің аталған бұйрығымен бекітілген тарифке сәйкес айқындалады.

1. Қызметтің функционалдық мүмкіндіктері

Тапсырыс берушілер/Ұйымдастырушыларға

  • Жылдық сатып алу жоспарын жоспарлау
  • «Тендер», «Бір көзден алу», «Баға ұсыныстарын сұрату» тәсілдерімен сатып алуды өткізу
  • Сатып алу қорытындысы бойынша шарттар жасасу

Өнім берушілерге

  • Сатып алуға қатысуға өтінім беру/толықтыру
  • Бір көзден алу тәсілімен сатып алуға қатысуға келісім беру және жеткізу кестесін келісу
  • Шарттарды электронды түрде келісу және қол қою

2. Құны және қолданылу мерзімі

2026 жылға арналған тариф: 64 603,88 тг. (ҚҚС-ты есепке алғанда)

Тарифтің қолданылу кезеңінде берілетін өтінімдер мен жасалатын шарттар санына шектеу қойылмайды.

3. Төлем жасауға арналған деректемелер (реквизиттер)

Алушы«Электрондық қаржы орталығы» АҚ
БСН (БИН)071140005693
IBANKZ31551Z222000010KZT
Алушының банкі«Қазақстан Фридом Банкі» АҚ
БИКKSNVKZKA
Кбе16
ТКБ (КНП)859
ТКБ (КНП) 859 бойынша түсініктеме: Басқа топтарға енгізілмеген кәсіби, ғылыми және техникалық өзге де қызметтер, оның ішінде коммерциялық қосалқы қызметтер.
Төлем мақсаты: Медициналық ұйымдарға арналған сатып алу веб-порталын пайдалану (қол жеткізу) қызметі үшін төлем.
Төлем бойынша маңызды ақпарат:
  • Қызмет шартқа қол қойылған және/немесе төлем жүргізілген күннен бастап көрсетіледі және ағымдағы қаржы жылының соңына дейін қолданылады.
  • Төлем қаражатын тек ұлттық валютада (теңгемен) аударуға жол беріледі.
  • Қаражат төлем құжатында көрсетілген ЖСН/БСН бойынша есепке алынады.
  • Төлем қаражатының есепке алынуы ақша жіберушінің ЖСН/БСН бойынша жүзеге асырылады. Үшінші тұлғалар үшін төлем жасауға жол берілмейді.
  • Төлем келесі жұмыс күні автоматты түрде есепке алынады.
  • Банктер аударымды 3 жұмыс күніне дейін кідіртуі мүмкін.
  • Қызмет ақысы жылына бір рет төленеді.
  • Жеке шотты толықтыру жөніндегі толық нұсқаулықпен сілтеме арқылы танысуға болады.